میوچل فنڈز(FAQ’s)

میوچل فنڈز میں سرمایہ کاری کے فوائد درج ذیل ہیں:

پروفیشنل فنڈ مینیجر- آپ کی سرمایہ کاری کا انتظام فنڈ مینیجرز کرتے ہیں جن کے پاس اعلیٰ سطح کی تعلیمی اور پیشہ ورانہ اسناد اورسرمایہ کاری کا انتظامی تجربہ ہوتا ہے۔

مجموعہ – میوچل فنڈز کا مقصد ریٹرن کی اتار چڑھاؤ کے ممکنا خطرے کومجموعے کے ذریعے کم کرنا ہے۔ یہ مختلف صنعتوں/ سیکٹرزکی متعدد کمپنیز میں سرمایہ کاری کرتے ہیں۔ ایک چھوٹی سی سرمایہ کاری کے ساتھ، ایک سرمایہ کار مجموعہ سے وہ فوائد حاصل کر سکتا ہے جو دوسری صورت میں ممکن نہیں ہوسکتے اگر سرمایہ کار براہ راست ان سیکیورٹیز میں سرمایہ کاری کرے۔

لیکویڈیٹی – اوپن اینڈڈ میوچل فنڈز کی قیمت کا تعین روزانہ کی بنیاد پرکیاجاتا ہے اور سرمایہ کار کسی بھی وقت میوچل فنڈز میں اپنی ہولڈنگز کوفروخت کر سکتا ہے۔

لین دین کی کم لاگت – چونکہ میوچل فنڈز بہت سارے سرمایہ کاروں کے پیسوں کا ایک پول ہوتا ہے اس لیے سیکیورٹیز میں کی جانے والی سرمایہ کاری کی رقم بہت زیادہ ہوتی ہے۔ کمپنی کی طرف سے ایک چھوٹی سی انتظامی فیس لی جاتی ہے، جو براہ راست سرمایہ کاری کرنے پر انفرادی سرمایہ کار کو بہت زیادہ ادا کرنا پڑتی ہے۔

شفافیت – اوپن اینڈڈ میوچل فنڈز کی قیمتوں کا اعلان روزانہ کیا جاتا ہے۔ پورٹ فولیو کے سائزکا اعلان ماہانہ فنڈ مینیجرز کی رپورٹ میں بھی کیا جاتا ہے۔

بینک ڈپازٹ کے برعکس آپ کے اصل سرمایہ کی قیمت بڑھ سکتی ہے یا گر سکتی ہے۔ لوگ میوچل فنڈز میں اس وجہ سے سرمایہ کاری کرتے ہیں کہ وہ چاہتے ہیں کہ ان کا اصل سرمایہ وقت کے ساتھ ساتھ بڑھے۔ کسی فنڈ کی قیمت کا انحصار اس کی ملکیت میں شامل سیکیورٹیز کی قیمتوں پر ہوتا ہے۔ اسٹاکس اور بانڈز کی قیمت میں اتار چڑھاؤ آتا ہے اس لیے میوچل فنڈز کی قیمتوں میں بھی اتار چڑھاؤ آتا ہے ۔

شاید نہیں۔ زیادہ تر لوگ اس بات کی یقین دہانی چاہتے ہیں کہ ضرورت پڑنے پران کورقم فوری طور پرمل جاۓ گی۔ میوچل فنڈزکی قدرمیں (سوائے منی مارکیٹ فنڈز کے) اپنی نوعیت کے اعتبار سےاتار چڑھاؤ آتے ہیں اس وجہ سے آپ کی فنڈزکی فوری ضرورت پورا کرنے کے لیے مناسب سرمایہ کاری نہیں ہوسکتی ہے۔

نیٹ ایسیٹ ویلیو کا تعین فنڈ کے پاس موجود تمام سیکیورٹیز کی موجودہ مارکیٹ ویلیو کو جمع کرکے، نقد رقم اور کسی بھی جمع شدہ آمدنی میں اضافہ کو جمع کرکے، پھر واجبات کو منہا کرکے اور بقایا یونٹس کی تعداد سے تقسیم کرکے لگایا جاتا ہے۔ NAV اسکیم کے اثاثوں کی مارکیٹ ویلیو ہے اورواجب الادا ادایئگیوں کو منہا کر کے متعین کی جاتی ہے فی یونٹ NAV اسکیم کی خالص ایسیٹ ویلیو ہے جو تشخیص کی تاریخ پر بقایا یونٹس کی تعداد سے تقسیم کرکے متعین کی جاتی ہے۔

ہرمیوچل فنڈ اپنی پیشکش دستاویز میں بیان کردہ سرمایہ کاری کے مقاصد کا پابند ہے۔ سرمایہ کاری کے مقاصد سیکیورٹیز کی کلاس کی وضاحت کرتے ہیں جس میں میوچل فنڈز سرمایہ کاری کر سکتے ہیں۔ وہ ایکویٹیز کے علاوہ ڈیٹ انسٹرومنٹس جیسے بانڈز، منی مارکیٹ انسٹرومنٹس اور گورنمنٹ سیکیورٹیز میں بھی سرمایہ کاری کر سکتے ہیں۔

خریداری کی تاریخ کے 15 دن میں ایک اکاؤنٹ اسٹیٹمنٹ آپ کو ڈاک کے ذریعے بھیجا جاتا ہے جس میں الاٹ شدہ یونٹس کی تعداد بتائی جاتی ہے۔

زیادہ ترمیوچل فنڈز اینولائیزڈ بنیاد پر ریٹرن کا حوالہ دیتے ہیں سوائے ان فنڈزکے جو ایکیوٹیز میں بطور بیسک ایسیٹ کے سرمیہ کاری کرتے ہیں۔ ایکویٹیز پر مشتمل فنڈزادائیگی ایبسولیوٹ ریٹرن بنیاد پرکرتے ہیں.